Tuesday, March 25, 2014

УБАВ ДЕН

Убав ден вчера.......
Ми почна рано, уште во 05:00....
Со првата пееска, 05:30, ја опраив од прва до последна и потоа како на времето правац Врв Водно.
По пат никој, само јас, птиците и нивната прекрасна песна.
Горе ме дочека сонцето дежурниот полицаец и уште двајца ентузијасти како мене. Мир, тишина.........., атмосфера која не може со зборови да се опише, а таму долу, во смогот, Скопје сеуште спие. Го гледам и да Ви кажам, вака од далеку воопшто не изгледа лошо........., птиците имаат поубава перспектива на нештата.
Се симнувам, по пат серќавам многу луѓе кои решиле убавиов ден паметно да го искористат. 
„ДОБРО УТРО!“ 
Знаете!? Онаа убава навика да го поздравиш секој еден што ќе го сретнеш на планина, небито, го знаеш ли или не.
Стигам дома. Моите само што се разбудиле.
Се средуваме, доручек, троа ТВ, малку БРЕЈН О БРЕЈН вежба со женските и доаѓа време за роденден кај Деан и Мила.
Они на роденден во МИЛЕНИУМ јас во кладилница, пијам кафе, гледам утакмица и ставам едно лифче колку да утепам време. Не ја ставив Барса, а требаше.
Завршува роденденот, ја собираме и Биба и правец Драчевсбург на врзување патлиџани.
Работа и троа песна, така велат настанал блузот....., а да, и чувството дека си полезен, прекрасно чувство....
Слушаме како МЕТАЛУРГ победува.....
Работава привршува, троа умор ама сладок, ништо страшно.
Вечерата посна ама преслатка, веројатно е таква зошто е заслужена.
Некој се спрема за финале на Х-ФАКТОР некој за РЕАЛ-БАРСА. Погодувате за што се спремав јас.
Туш, утакмица и сон на праведник...
Прекрасен ден...

No comments:

Post a Comment